Një nismë e re është ndërmarrë nga të rinj dhe të reja dhe po përhapet gjerësisht një rrjetet sociale për t’i ardhur në ndihmë vajzës Omelda Meta.
Vajza 23-vjeçare është diagnostikuar së fundi me Limfomën Hodgkins, një lloj kanceri që përhapet me shpejtësi dhe tanimë i ka prekur edhe mushkërinë.
Duke qenë se Omelda duhet të nisë menjëherë terapinë e kimios që kushton rreth 30 mijë euro, i gjithë interneti është sensibilizuar për të ndihmuar sado pak.
Kështu ditën e nesërme, në Fakultetin e Arkitekturës do të transmetohet një film, bileta e të cilit kushton 200 lekë. Kushdo që e blen kontribuon në shëndetin e Omeldës, ndaj ju bëjmë thirrje që të ndihmoni sado pak.
Biletat kanë nisur tashmë të shpërndahen në të gjitha fakultetet e Tiranës, për të mbledhur kontributet dhe për të shpëtuar jetën e 23-vjeçares.
Omelda ka nevojë për ne të gjithë, ndaj mos ngurroni!
