Pasi u përfol shumë për ndarjen e tij me modelen Afrona Dika, më në fund këngëtari Blero ka thyer heshtjen.
Ai ka postuar në “Instagram” një thënie e cila tregon diçka më shumë rreth çiftit. Duket se me heshtjen e tij po bën me dije se, gjërat do të dalin vetë në shesh dhe do të kuptohen në ditët në vazhdim.
“Ata që heshtin për një gjë, kanë shumë për të thënë për të”, thuhet në shprehjen që ka postuar Blero.
Reagimi i tij vjen një ditë pasi ish-e dashura, Afrona postoi shprehjen:
“Ne duhet të mësojmë se kush është ari dhe kush është thjesht i mbuluar me një pllakë ari”.
Asnjë prej tyre nuk ka sqaruar arsyet e ndarjes. Çifti kishte planifikuar të kryente ceremoninë e martesës vitin e ardhshëm dhe ndarja erdhi e papritur, pas pushimeve romantike në Santorini.
