Këngëtari Blero ka shprehur mendimin e tij për sukseset e Era Istrefit. I ftuar në emisionin e Berat Buzhalës, Blero nuk e mohoi që Era është e talentuar, por shtoi se ka shumë këngëtare të tjera të talentuara që duhet të kenë fat të menaxhohen nga një menaxher ai Faton Shoshi.
“Këngëtaret e reja janë shumë të talentuara, por janë edhe me shumë fat. Nuk mjafton vetëm talenti. Është njëlloj si të fitosh lotarinë….” – tha ai, ndërsa konkretisht për Era Istrefin, pasi e vlerësoi si artiste, tha se suksesi i saj është edhe falë menaxherit të saj Faton Shoshi.
Mos të themi që Era Istrefi këndon më mirë se të gjithë, sepse nuk këndon më mirë se të gjithë. Kemi shumë më të mira se Era, por ajo ka fat. Puna e madhe e Faton Shoshit është arsyeja pse Era ka depërtuar. Era ka shumë talent, ne jemi krenarë me të, pa diskutim, por puna e madhe dhe fati e ka prurë aty ku është. Ne krenohemi të gjithë me të, por kemi edhe shumë talente që duan të kenë më shumë fat….”
Blero tha se Kosova ka shumë këngëtare të talentuara, të cilat kanë nevojë për menaxherë të mirë dhe shumë fat që të kenë suksesin e Erës.
