Këngëtarja Bleona Qereti ka publikuar në Instagram, ditën e sotme një ‘cover’ të këngës italiane ‘Su Di Noi’ nga Enzo Ghinazzi me pseudonimin Pupo. Ajo sqaron se kjo këngë nuk ishte bërë për t’u publikuar, por duke u bazuar tek ngjarjet e ndodhura së fundmi në Malibu, kjo video është shumë e rëndësishme për të.
“Kjo është një nga këngët më të dashura për mua. Është pak nga muzika me të cilën u rrita si artiste që fëmijë. Kush më njeh personalisht e di që unë kam mësuar italisht vetëm që të kuptoj këngën time të preferuar. Ende sot e këndoj ‘Su Di Noi’ në çdo koncert timin. Kjo video nuk ishte bërë për t’u publikuar, por me ngjarjet që ndodhën në Malibu, gjithçka mori tjetër kuptim. Kjo video ka një vend special në zemrën time sepse është xhiruar në një nga plazhet më të bukura në botë. Doja që ta ndaja me të gjithë, si një dhuratë plot dashuri dhe dritë” shkruan Bleona në postim.
Video është xhiruar në Matador Beach, Kaliforni ku Bleona shfaqet në formë seksi dhe perfekte. Të shumta kanë qenë dhe komentet nga fansat e saj që e komplimentojnë për zërin dhe videon.
