Këngëtarja shqiptare Bleona Qereti ka shpërthyer sot në rrjetet sociale pas disa komenteve që janë bërë në adresë të saj, menjëherë pas urimit që përcolli për fitoren e presidentit Donald Trump.
Si rrjedhojë e këtyre komenteve nga njerëz “mjeranë”, siç i quan Bleona, ajo ka vendosur që të mbyllë profilin e saj në Facebook. E revoltuar ndaj këtyre reagimeve, Bleona ka shkruar një status në adresë të atyre njerëzve që gjykojnë vendimet dhe veprimet e saj:
“Mos më bëni ta mbyll dhe këtë copë “Facebook-u që shikoni çdo ditë dhe paragjykoni e villni vrer që të justifikoni miserablitetin dhe realitetin e jetës tuaj të zymtë! Kjo nuk është faqe për dështakë, por për të gjithë ata që kanë kurajë të ndjekin ëndrrat e tyre”, shkruan Bleona, pasi poston dhe foton me mesazhin që i ka dërguar presidentit të ri të SHBA-ve.
