Moderatori i emisionit “Opinion” , Blendi Fevziu, ka treguar “fiksimin” e tij kur ishte adoleshent. Në emisionin e fokusuar mbi gratë e pushtetshme në politikë, Blendi zbuloi një sekret të rinisë së tij, fiksimin pas mësueses, që ishte as më pak e as më shumë se Arta Dade, deputetja e Partisë Socialiste.
Gjithçka nisi nga një deklaratë e Monika Kryemadhit, e cila tha për Daden: “Unë kam qenë fëmijë, por si mbretëreshë e mbanin, sepse ishte “e bukura e dheut”, por edhe e mençur.”
“Po unë që e kam patur zyshë dhe që i rrija poshtë dritares?! Po lëri tani, mos i hap këto!”- u shpreh me humor gazetari i njohur, duke zbuluar kështu dobësinë e tij të hershme , për politikanen që e dëgjonte e buzëqeshur.
