Një intervistë të veçantë zhvilloi dje Blendi Fevziu me kryeministrin Edi Rama, i cili, ndryshe nga çdo herë tjetër, mori rolin e gazetarit për t’i nxjerrë Blendi Fevziut disa nga sekretet e dy dekadave “Opinion”.
Mes personazhe të dashur dhe më pak të tillë në një rrugëtim të gjatë, Blendit i është dashur edhe të zgjedhë disa prej atyre që i kanë bërë përshtypje më shumë, disa që nuk i duron dot, por i fton gjithsesi, por edhe disa që “i marrin frymën”. Kështu, pyetjeve pikante të Kryeministrit Blendi nuk e pati të thjeshtë t’u jepte përgjigje.
E tillë ishte pyetja nga kreu i qeverisë për tri femrat të cilat “ia kanë marrë frymën” Blendi Fevziut sa herë i fton në emision. Rama i kërkoi Fevziut emrat e atyre femrave që “ia mbajnë frymën” kur kanë hyrë në studio për nga prezenca, hijeshia dhe sharmi i tyre:
“Po tre t’i gjej unë tani, e di sa shumë që janë?”, ia ktheu Blendi pa dëshirën për të kaluar në emra konkretë, por Kryeministri Rama vazhdoi të këmbëngulë për të përmendur tre gra ose vajza duke pasur parasysh prezencën, hijeshinë, sharmin dhe elegancën e tyre.
Atëherë, Blendi fillon të kategorizojë e të klasifikojë si femra interesante: “Majlinda Bregu ka qenë shumë interesante, Grida Duma ka qenë shumë interesante, në momente të caktuara Mesila Doda…”
Dhe pas ndërhyrjes së Kryeministrit për të zgjedhur nga të gjitha kategoritë dhe jo vetëm politikane, Fevziu tha: “Afërdita Dreshaj, Bleona Qereti ka qenë shumë e bukur, është një vajzë që duhet të jetë këtu, Xhesika Berberi, po ashtu ka qenë shumë e bukur…”
/Class
