Javët e fundit po përflitet se gazetari dhe moderatori i njohur, Blendi Fevziu, do të braktisë televizionin Klan për Top Channel.
Ndërsa fillimisht u përfol se e gjithë kjo zhvendosje ishte për arsye të një oferte të majme parash, Fevziu hodhi poshtë zërat, duke thënë se lidhej me realizimin e një qëllimi të tij.
Në deklaratën e tij të fundit u shpreh se “nuk e kishte vendosur ende”, por edhe nëse vendos të largohet, nuk do jetë “çështje parash”.
Megjithatë moderatori i “Opinion” është shfaqur për herë të parë pas këtyre debateve, me pronarin e Tv Klan, Aleksandër Frangaj, mes të cilëve flitet se ka patur edhe mosmarrëveshje.
Fevziu e Frangaj pozojnë për një “selfie” së bashku me stafin e emisionit. Por mund ta interpretojmë në dy këndvështrime të ndryshme, si përforcim i zërave se do të qëndrojë në Tv Klan apo si kujtim i bukur pas një lamtumire të “dhimbshme”.
