Një nga lidhjet më të famshme të Big Brother Albania ka qenë ajo e konkurrentit Bjordi me Adelajdën.
Djali nga Vlora i bëri për vete me dashurinë që shfaqi në spektakël por që përfundoi shumë shpejt pas daljes nga shtëpia. Ai tashmë ka gjetur një të dashur të radhës dhe duket se gjërat janë serioze.
Çifti ka disa muaj që janë në një lidhje dhe vajza simpatike duket mjaft e dashuruar me Bjordin. Ajo quhet Jona Spahiu dhe në “Instagramin” e saj fotot me Bjordin janë të shumta.
Por duket se edhe ish-banori i “Big Brother” është shumë i dashuruar. Të paktën kjo kuptohet nga postimet e tij të rralla, teksa fotot me Jonën i shoqëron gjithmonë me zemra.
Ndërsa në një nga postimet ai ka bërë një dedikim për të dashurën e tij, për të cilën shkruar, “Falënderoj edhe dashurinë time Jona Spahiu, që është i vetmi njeri që më lë pa fjalë me durimin mbinjerëzor karshi meje dhe mbështetjen e pakushtëzuar për çdo ide timen”.
