Vrasja e biznesmenit Ferdinand Polia, i njohur në zonë si “Nardi i Bujtinave”, tronditi dje mbarë opinionin publik.
35-vjeçari u qëllua me armë zjarri, ndërkohë që ishte duke udhëtuar me automjetin e tij, në Grudë të Shkodrës. Pasi kishte jetuar prej disa vitesh në Itali, ai ishte kthyer në vendlindje për të hapur bujtinën e tij në vitin 2005.
Jo pak herë, ai shprehte shqetësimin lidhur me infrastrukturën në zonën e Thethit, ku kishte dhe bujtinën e njohur me emrin Polia, të cilën kujdesej ta reklamonte te turistët e huaj.
Sot mësohet se ai ishte vëllai i ish-banorit të “Big Brother”, Pavlin Polia. Ky i fundit mori pjesë në “reality-show”-n në edicionin e vitit 2009.
Sipas të dhënave në internet Pavlin Polia gjithashtu jetonte në Theth bashkë me familjen e tij dhe kujdesej për biznesin që kishte me të vëllain.
“Bujtina Polia” është një nga më të preferuarat për turistët e huaj, ndërsa dëshira e viktimës ishte që emri i Thethit të dëgjohej më shumë nëpër botë, për kulturën, bukurinë dhe traditën.
