Kjo verë ishte e biondeve! Shumë nga këngëtaret shqiptare, si Elvana Gjata, Çiljeta Xhilaga, Nora Istrefi apo edhe femra të njohura të ekranit shqiptar, preferuan ngjyra të çelura të flokëve këtë verë. Por me përfundimin e stinës së verës, ato “u dorëzuan” dhe preferuan të rikthehen në origjinë, duke kthyer ngjyrën e tyre origjinale të flokëve.
Elvana Gjata
Elvana Gjata guxoi këtë verë me flokët e saj, duke u kthyer në një bionde shumë simpatike në klipin “Njësoj”. Megjithatë nuk vonoi shumë dhe Elvana u kthye përsëri në identitet. Në fotot e fundit duket shumë natyrale dhe seksi me flokët e errëta.
Nora Istrefi
Në hitin “Sa t’kom dasht” pamë jo vetëm një mami seksi, por mbi të gjitha një bionde shumë sensuale. Me flokët e artë Nora istrefi u shfaq përgjatë gjithë muajve të verës, madje edhe në projektin e fundit “Majëm”. Por pak ditë më parë dhe pikërisht në Tiranë, këngëtarja nga Kosova çeli sezonin e vjeshtës në një nga klubet më në zë të kryeqytetit dhe aty pamë që ajo ishte bërë përsëri brune.
Çiljeta Xhilaga
Ajo ende e ka me dy mendje ndryshimin e saj të fundit. Pasi hoqi dorë nga flokët e saj biondë platin, Çili u rikthye të flokët e zinj dhe të shkurtër duke i zbritur vetes disa vite nga mosha.
Elita Rudi
Moderatorja kosovare, Elita Rudi ka guxuar me pamjen këtë verë. Në fund të sezonit “Elite Zone”, ju patë një bionde shumë seksi. ndërkohë me rifillimin e programit Elita u kthye në “origjinë”.
Enca Haxhia
Edhe Enca ka eksperimentuar me flokët e saj biondë, që e shndërruan në një barbie t ëvërtetë. Megjithatë nuk zgjati shumë dhe Enca u rikthye te flokët e saj natyralë gështenjë, të cilët i shkojnë më shumë.
Morena Taraku
Morena Taraku njihet si një ndër vajzat që i ka provuar të gjitha modelet dhe ngjyrat e flokëve. Nga flokët e qethur zero pas kokës, deri në flokët e gjatë ekstejshën. Në verë ajo u kthye në një vajzë bionde superseksi, por ndryshoi mendje hsumë hspejt dhe u bë më tepër origjinale duke i errësuar pak flokët në gështenjë.
