Ajo luan rolin e një femre të trazuar në film. Por Emily Blunt dukej shumë larg karakterit të saj ndërsa mrekulloi para turmës në tapetin e kuq për premierën botërore të filmit “The Girl On The Train”, zhvilluar në Leicester Square, mbrëmjen e së martës.
33-vjeçarja, e cila solli në jetën fëmijën e saj të dytë vetëm tre muaj më parë, dukej fenomenale me fustanin e gjatë të zbukuruar me lule shumëngjyrëshe të Alexander McQueen, që i tregonte format e saj perfekte. Tapeti i kuq ishte bërë në formën e një hekurudhe, duke iu përshtatur filmit të realizuar sipas librit me të njëjtin titull të Paula Hawkins.
Emily i la të gjithë “gojëhapur” me paraqitjen e saj, lidhur me faktin se ajo lindi në korrik fëmijën e saj të dytë me aktorin John Krasinski dhe ndryshimit të dukshëm nga roli.
Ndërsa detaji tjetër që dalluam është ndryshimi i ngjyrë së flokëve, duke u bërë zyrtarisht bionde. Modeli i flokëve të kapura nga pas me aksesorë floriri shtonin më shumë stil në paraqitjen e saj.
Bukuroshja britanike i shtonte më shumë përsosmëri pamjes me makijazhin “smokey eye” dhe buzët nude. Emily ka dy vajza, Hazel 2 vjeç dhe Violet vetëm 3-muajshe.
*Shfleto galerinë
Burimi: Daily Mail
