Mary Kate dhe Ashley Olsen u transformuan nga fëmijë yje në ikona të modës, transformim të cilin nuk e kujtojmë se kur ndodhi. Dy motrat kanë mundur të ruajnë jetën private, sa kanë frymëzuar edhe një ekspozitë që i dedikohej atyre duke iu fshehur fotografëve. Por duket tashmë se motrat e famshme janë gati të rikthehen në vëmendjen e publikut.
Binjaket Olsen më në fund i janë bashkuar komunitetit të “Instagram”-it duke marrë të paktën për një ditë në kontroll, profilin e “Instagram”-it të kompanisë “Sephora”.
29-vjeçaret, të cilat ende nuk kanë profilet e tyre personale, kanë publikuar aty selfie-n e tyre të parë dhe kanë treguar momente nga jeta e tyre si stiliste. “Ngrihuni dhe shkëlqeni. Selfie e parë publike”, kanë shkruar ato në diçiturën e fotos që ishte dhe postimi i tyre i parë. Binjaket momentalisht i janë përkushtuar promovimit të markës së tyre të veshjeve “Elizabeth and James”.
Burimi: Harper’s Bazaar
