Pas përfundimit të emisionit “Treshat” ku ishin të shoqëruar në moderim nga Bora Zemani, Donaldi dhe Romeo u rikthyen në ekran me një emision të ri.
Tashmë, ata janë në drejtimin e show-t të tyre “Binjakët”, i cili transmetohet çdo fundjavë në “Vizion Plus” dhe nëse menduat se projektet përfunduan me kaq, gaboheni!
Dy binjakët, Romeo dhe Donaldi kanë përgatitur gjithashtu të tjera surpriza për publikun.
Me siguri s’e kishit menduar, por ja që vëllezërit Veshaj po punojnë për të sjellë një këngë së bashku.
Këtë e kanë treguar në një intervistë për emisionin “Next” në “Vizion Plus”.
Kënga e tyre e re do të jetë e prodhuar nga producenti i njohur Fabian Basha, ndërsa përsa i përket datës së publikimit dhe detajeve të tjera, binjakët preferojnë t’i lënë surprizë.
Mbetet vetëm të presim!
View this post on Instagram
