Bileta vetëm online, pijet e ushqimet janë të ndaluara! Këtej e tutje duhet të ndiqni këto rregulla të reja në kinema
Ministria e Shëndetësisë urdhëroi ditën e djeshme hapjen e kinemave në vend, 7 muaj pas mbylljes së tyre për shkak të masave anti-Covid. Në urdhrin e ministrisë thuhej se kinematë duhej të respektonin një udhëzues, i cili është bërë publik ditën e sotme.
Nëse do të identifikohet një rast pozitiv me Covid-19 në kinema, duhet që të pastrohet, lahet dhe dezinfektohet menjëherë e gjithë salla. Gjithashtu nëse konstatohet nga stafi ndonjë rast i dyshimtë me Covid-19, klienti/personeli do të detyrohen të kthehen në shtëpi dhe të flasin direkt me mjekun e familjes.
Klientëve do ju matet temperatura në hyrje dhe kushdo që e ka temperaturën mbi 37.5 nuk do të lejohet të futet brenda në sallën e kinemasë. Filmat do të shfaqen me interval pushimi jo më pak se 15 minuta nga njëri-tjetri, për të shmangur grumbullimet mes njerëzve dhe për të bërë pastrimin e ventilimin e sallave.
Rezervimet e biletave do të bëhen vetëm online dhe do të kufizohet dhënia e biletave për anëtarë të një familjeje në ulëse në rreshta alternative. Në raport me numrin dhe orarin e shfaqjeve do të higjenizohen karriget, mbështetëset e krahëve të karrigeve. Gjithashtu ndryshe nga ç’ndodhte më parë, do të jetë kategorikisht e ndaluar konsumimi i ushqimeve dhe pijeve në ambientet e kinemasë.
Më poshtë udhëzuesi i plotë:
