Autoritetet spanjolle njoftuan të shtunën se 832 njerëz kanë humbur jetën nga COVID-19 që nga dje, duke sjellë numrin e përgjithshëm të vdekjeve në vend në 5.690.
Ministria e Shëndetësisë në Spanjë tha se janë regjistruar edhe 8189 infeksione të reja të konfirmuara nga koronavirusi. Numri i përgjithshëm i të sëmurëve në Spanjë tani ka arritur në 72,248.
Sidoqoftë, Italia mbetet vendi më i goditur në botë dhe raportoi të premten rekordin e saj prej 919 viktimash në 24 orë. Numri i të vdekurve në Itali ka arritur në 9.134.
Në të gjithë Evropën, vendet kanë forcuar masat për të frenuar përhapjen e sëmundjes vdekjeprurëse.
Franca dhe Belgjika, tashmë dy javë të izoluara kanë zgjatur politikat e tyre të izolimit për dy javë të tjera të premten, një ditë pasi Spanja kishte njoftuar të njëjtën gjë.
Në Mbretërinë e Bashkuar, dy spitale të reja do të krijohen në ditët e ardhshme në Birmingham dhe Manchester – që do të sigurojnë deri në 2,000 shtretër.
Njoftimi erdhi vetëm një ditë pasi Kryeministri Boris Johnson dhe Ministri i Shëndetësisë Matt Hancock rezultuan pozitivë me virusin.
Mbretëria e Bashkuar njoftoi 181 vdekje të reja të premten, duke shkuar në total 759. Vendi numëron 14.543 raste të konfirmuara të koronavirusit.
Ndërkohë, SHBA u bë vendi i parë në botë që raportoi më shumë se 100,000 raste të konfirmuara të premten, sipas statistikave nga Universiteti John Hopkins – 18,000 prej të cilave u raportuan vetëm të premten.
/euronews.com
