Këngëtarja Big Mama ishte dje e ftuar në emisioni “Rudina”, ku foli për jetën dhe projektet e saj. Ndër të tjera ajo sqaroi edhe domethënien e emrit të saj artistik. Të gjithë mendonin se emri Big Mama lidhej me peshën e saj të madhe, dhe madje shumë prej fansave i kishin kërkuar që tashmë që ka rënë shumë në peshë, ta ndryshojë emrin.
Këngëtarja ju dha fund këtyre zërave me deklaratën e saj të fundit duke treguar historinë e trishtë pse përdor këtë emër dhe jo atë të vërtetin, Besiana.
Big Mama tregoi se kur ishte 17 vjeç, miku i saj i ngushtë, Lirak u nda nga jeta tragjikisht. Në atë kohë me emrin Big Mama e thërriste vetëm ai.
“Emrin Big Mama ma ka lënën shoku im i ngushtë i ndjerë. Unë isha 17-vjeç, Liraku ishte 18. Kur dola për herë të parë në skenë me ermin e vërtetë, Besiana nuk pati ndonjë impakt, ndërsa një vit më vonë, pas ndarjes së tij nga jeta, kur dola me këtë emër në kujtim të tij, impakti ishte i jashtëzakonshëm. Në këtë mënyrë do ta kujtoj gjithmonë”: u shperh Big Mama.
Besiana tregoi se mikut të saj të ngushtë i ka kushtuar edhe një këngë.
