Gjiganti i mesazheve WhatsApp duket se ka probleme në funksionimin e aplikacionit këtë të martë. Shumë përdorues raportuan se WhatsApp nuk po punonte për ta rreth orës 09:30 të mëngjesit.
Përdorues të tjerë raportuan se aplikacioni kishte probleme me lidhjen dhe dërgimin e mesazheve nga serverët e tyre.
Pra, ata që janë përpjekur të rinisin ruterat e tyre për të parë nëse është një problem interneti, mos u shqetësoni se nuk është interneti juaj, është WhatsApp i cili nuk funksionon për shumë përdorues në mbarë botën.
Nuk është e qartë se çfarë e shkaktoi problemin, i cili nuk është zgjidhur ende. Deri në këto momente, WhatsApp nuk i është përgjigjur raporteve për ndërprerjen.
Kujtojmë se në muajin Gusht, WhatsApp rifreskoi karakteristikat e tij duke sjellë ndryshime për grupet e bisedave në aplikacion.
Kështu, nëse jeni anëtar i një grupi dhe doni të dilni prej tij, të tjerët nuk do të njoftohen për këtë pasi kutia e njoftimit që shfaqet sa herë një person lë grupin, nuk do të shfaqet më. Gjithashtu, përdoruesit nuk do të shohin nëse një anëtar i grupit është online.
Si dhe njoftohet çaktivizimi i screenshots për fotot që dërgohen me opsionin View Once, të cilat zhduken pasi hapen herën e parë.
