Situata për shkak të Covid-19 në Itali ka nisur prej ditësh të përmirësohet dhe shifrat e jetëve të humbura po ulen ndjeshëm.
Për të dytën ditë radhazi është ulur numri i vdekjeve, i cili 24 orëve fundit ka shkuar në 420.
Gjithashtu, 3,021 persona janë konfirmuar të infektuar me Covid-19.
Deri tani, numri i jetëve të humbura në Itali ka shkuar në 24,959, ndërsa numërohen 192,994 raste të infektuara.
Numri i të shëruarve është rritur me 2,922 persona më shumë se një ditë më parë, ndërsa numri i përgjithshëm i tyre ka shkuar 60, 498.
Në terapi intensive janë regjistruar 2,173 pacientë dhe deri tani janë kryer gjithesj 1, 642 356 tamponë në vend.
