Reshjet e shiut të datës 23 qershor 2018, kanë dëmtuar mijëra materiale bibliotekare. Biblioteka Kombëtare ka njoftuar këtë të hënë se një nga sallat e saj në katet e nëndheshme, në të cilën ndodhen libra, revista dhe gazeta dhe botime të 15 viteve të fundit, është përmbytur.
Biblioteka ka shpallur gjendjen e emergjencës për trajtimin e materialeve bibliotekare të lagura, me qëllim tharjen dhe restaurimin e tyre të plotë, ndërsa thekson se nuk janë prekur mjediset ku ruhet fondi i Vlerave të Rralla dhe Arkivi i Librit e i periodikut shqip.
Biblioteka Kombëtare thekson se nuk janë prekur mjediset ku ruhet fondi i Vlerave të rralla dhe Arkivi i librit e i periodikut shqip. Nga të dhënat paraprake, numri i njësive bibliotekare me gjurmë lagështire rezultoi rreth 12 mijë.
Gjatë punës së deritanishme janë tharë plotësisht rreth 70% e tyre. Vijon puna intensive për tharjen e plotë të pjesës së mbetur.
Në funksion të kësaj emergjence, Biblioteka Kombëtare do të qëndrojë e mbyllur nga data 25 deri më 30 qershor.
/Top Channel
