Kanë kaluar vetëm tre muaj qëkur Beyonce u bë nëna e dy binjakëve në qershor. Por daljet e saj nuk janë kufizuar aspak nga kjo gjë, dhe Mbretëresha e Pop-it, u shfaq me Jay Z në ballon vjetore të Rihanna-s në New York City të enjten në mbrëmje.
Edhe pse pamja e saj ishte kuruar deri në detaj, me një fustan klasik jeshil me dekolte dhe një të çarë në pjesën e majtë të këmbës, sërish pati një incident me veshjen.
Beyonce nuk mundi dot të mbulojë pjesën e korsesë në këmbën e djathë. Në fakt duket sikur ajo e kishte lënë që të dukej posaçërisht, duke e zgjedhur ngjyrën e zezë. Epo kur është fjala për Beyonce-n, çdo incident mund të duket i bukur.
Ndërsa Jay Z gjithashtu dukej elegant me një kostum blu dhe papion të zi. Të veçanta ishin flokët e tij, që i kishte lënë të gjata dhe që i jepnin një pamje krejt tjetër.
