Fansat e Beyonce kanë hapur lajmin në rrjetet sociale se këngëtarja ka sjellë në jetë binjakët e saj, ditën e martë.
Siguria në spitalin e Los Angeles u vu re nga të gjithë, ku është raportuar gjithashtu se stafi i saj i sigurisë janë parë teksa mbajnë në duar dy mbajtëse fëmijësh, të cilët i kanë dërguar drejt qendrës mjekësore.
Sipas planifikimeve, 35-vjeçarja pritej t’i sillte në jetë fëmijët këto ditë, duke zgjeruar familjen e saj.
Një burim ka thënë për “Hollywood Life” se dita e djeshme ishte pikërisht dita që Beyonce do të sillte binjakët në jetë dhe sipas këtij uebsajti, rojet e sigurimit me mbajtëset e fëmijëve në duar, ishte një veprim shumë i çuditshëm, duke lënë të nënkuptohet se fëmijët kanë ardhur në jetë.
Ndërsa fansat thonë se diva e muzikës pop solli në jetë një djalë dhe një vajzë.
Burimi: Daily Mail
