Beyonce mund të kishte përfunduar në mediat rozë si lajm për incident me veshjen, por balerini i saj iu shfaq aty kur duhej, gjatë shfaqjes së saj të fundit në Gjermani. Gjatë turneut të saj “Renaissance” në Hamburg, këngëtarja 41-vjeçare doli në skenë me një fustan rozë me të çarë në mes të gjoksit.
Teksa performoi hitin e saj “Break My Soul”, një nga rripat e veshjes filloi të binte poshtë.
Për fat të mirë, një nga balerinët e grupit francez të kërcimit Les Twins, i cili përbëhet nga Laurent dhe Larry Nicolas Bourgeois, u hodh në ‘aksion’, duke u dalë para Beyonce-s për të penguar turmën që të mos shihte asgjë.
Ai kapi dorën e fitueses së Grammy-t, duke e vendosur në pjesën e sipërme të fustanit të saj me tegela, për të treguar se ajo duhej të bënte një rregullim të shpejtë.
E kështu ndodhi! Beyonce mundi ta rregullonte.
