Edhe Beyonce fatkeqësisht nuk mundi t’i shpëtonte “trendit” të hedhjes së sendeve nga fansave teksa ajo performonte gjatë turneut të saj botëror.
Një ndjekës i koncertit më të fundit i hodhi diçka në skenë me forcë, por pa pasoja për këngëtaren e cila vijoi normalisht performancen e saj.
Por kjo nuk u prit aspak mirë nga dy balerinët që e shoqëronin në skenë artisten, të cilët menjëherë kanë zbritur për t’u përballur me autorin.
Larry dhe Laurent Bourgeois, kërcimtarët e famshëm të Beyonce-s shihen në video se janë gati edhe të përballen fizikisht me të për veprimin aspak të hijshëm ndaj yllit të muzikës.
Video u bë shumë shpejt virale në rrjete sociale ku të shumta ishin edhe komentet që kundërshtojnë këtë ‘trend’ të shëmtuar që po bëhet i zakonshëm ndaj artistëve.
