Prej 5 ditësh Shqipëria ndodhet nën ujë dhe çështja e përmbytjeve është kthyer në një shqetësim serioz të përvitshëm për çdo familje shqiptare. Lëndimet e njerëzve, dëmtimet e shtëpive dhe të bizneseve apo infrastruktura në disa vende është shkatërruar. Nga ana tjetër ndryshimi i klimës tregon se përmbytjet mund të përshkallëzohen, ndërsa ne duhet të marrim sa më shpejt masa. Ka disa hapa që mund t’i ndërmarrim sa më shpejt të mundemi, që të sigurojmë vendin ku jetojmë. Ne të “Iconstyle.al” kemi zgjedhur 8 iniciativa që mund të ndërmerren në Shqipëri, sa për nisjen e këtij debati që në vendin tonë duket se nuk do të përfundojë edhe për shumë vite.
1.Krijimi i “Qytetit Sfungjer”
Ky koncept është bërë shumë popullor në Kinë, një vend që ka pësuar shumë përmbytje në vitet e fundit. Sipas Kongjian Yu, dekani i Kolegjit të Arkitekturës së Pekinit, “një “qytet sfungjer” është ai që mund të mbajë, të pastrojë dhe të rrjedhë uji në mënyrë të natyrshme, duke përdorur një qasje ekologjike”.
Pra, në vend që të bëni kanalizimet shiut, një qytet sfungjer e mban atë për përdorim vetjak. Përdorimet përfshijnë: ujitjen e kopshteve dhe fermave urbane, zëvendësimin ose plotësimin e ujit që përdoret për pastrimin e tualeteve, etj.
2.Çatitë e gjelbëruar/tarracat me kopshte
Çatitë/tarracat e mbuluara me bimë thithin shiun dhe ndihmojnë në zbutjen e përmbytjeve. Ata janë bërë shumë të popullarizuar në të gjithë Evropën. Përfitimet janë të drejtpërdrejta: për pronarin e ndërtesës, është një mjet për menaxhimin e stuhive; për komunitetin, zvogëlon mundësinë e rritjes së nivelit të ujit dhe për mjedisin, neutralizon efektin e shiut acid dhe largon ndotjen e azotit nga uji i shiut.
3.Krijimi i fushave pranë lumenjve.
Fushat pranë lumenjve kanë patur një shtrirje të gjerë, ndërsa sot për shkak të shtrirjes urbane kanë mbetur shumë pak. Ka një lëvizje në Evropë për të rivendosur këto fusha të shtrira pranë lumenjve për shkak të rolit të tyre të rëndësishëm në mbrojtjen nga përmbytjet, menaxhimin e ujit dhe ruajtjen e natyrës.
4.Ndarja e ujërave të shiut nga sistemi i kanalizimit.
Për të përmirësuar menaxhimin e ujit dhe për të mbrojtur sistemin e kanalizimit nga dëmtimet, qytetet evropiane kanë filluar të rindërtojnë sistemet e tyre nëntokësore dhe të kullimit, duke ndarë ujërat e shiut nga sistemi i kanalizimit. Ndarja mundëson që impiantet e trajtimit të ujërave të zeza të funksionojnë siç duhet, pa u mbingarkuar nga sasitë e mëdha nga shiu.
5.Instalimi i sistemeve të infiltrimit dhe rrallimit të ujit.
Asgjë nuk mund t’i menaxhojë shirat më mirë sesa sistemi i pakësimit dhe infiltrimit të ujit. Me këto sisteme (si Q-Bic, Q-BB, AquaCell Q-Bic Plus) mund të krijohen rezervuare nëntokësore shpejt dhe me lehtësi.
6.Pastrimi i sistemit të kanalizimeve, që të funksionojnë siç duhet.
Sistemet e kanalizimeve mund të bllokohen me mbeturina, rrënjët e pemëve, gjethet, etj. Tubat e kanalizimeve kanë një tendencë për t’u ndryshkur dhe për t’u gërryer. Këtu lind pyetja: A bëhet pastrimi i sistemin të kanalizimeve në Shqipëri?
7.Kullimi përmes barit dhe kopshteve.
Në disa zona urbane, hapësira e gjelbër konsiderohet luks. Në tokë dhe në çati, ka kaq shumë beton. Betoni nuk është i depërtueshëm. Nuk thith ujin e shiut. Ajo e bllokon atë dhe e përcjell atë në sistemet e kullimit, të cilat shpesh bllokohen dhe më pas uji del nga rruga dhe trotuaret. Kjo shkakton përmbytje. Koncepti i kullimit për të ruajtur një nivel të caktuar uji është i përsosur. Si pjesë e iniciativave mjedisore që janë duke u zhvilluar në Evropë dhe në të gjithë globin, rekomandohet që sipërfaqet e padepërtueshme të zëvendësohen me materiale të përshkueshme si bari dhe kopshte. Kjo do të lejojë ujin e shiut të kullojë në tokë. Procesi, i njohur si infiltrimi, gjithashtu shërben si një mbështetje për jetën e bimëve.
8.Shpreso më të mirën, por planifiko më keqen.
Përkundër praktikave më të mira të menaxhimit të ujërave të shiut, shtëpitë dhe ndërtesat mund të bëhen subjekt i përmbytjeve. Si një masë paraprake shtesë, rregullimi i shtëpisë suaj në mënyrë që të minimizojë dëmtimet është një projekt i zgjuar. Disa masa përfshijnë ngritjen e prizave elektrike më lartë në mur, hidroizolimin e ndërtesës ose shtëpisë, duke siguruar që dritaret dhe dyert të fusin ujë dhe zëvendësimin me materiale më të qëndrueshme.
