A besoni në mrekulli? Ju ka ndodhur ndonjë e tillë!
Epo një 11-vjeçare nga Texas, është shembulli më i mirë i një mrekullie.
Vajza e vogël e quajtur Roxli Doss u diagnostikua në qershor me glioma, një tumor i trurit shumë agresiv, pasi filloi të kishte dhimbje koke.
Por tashmë, ky tumor i paoperueshëm është zhdukur dhe mjekët nuk japin dot asnjë shpejgim sesi ka ndodhur.
Scott dhe gruaja e tij, Gena, e dërguan vajzën e tyre tek shumë mjekë, derisa u konfirmua lajmi i keq.
“Sëmundja është shumë e rrallë dhe shkatërruese për pacientin”, tha mjekja Virginia Harrod. “Humb aftësinë për të gëlltitur ushqimin, humb shikimin, aftësinë për të folur dhe ke vështirësi në frymëmarrje.”
Roxli menjëherë iu nënshtrua trajtimit me rrezatim për gjashtë ditë në javë për gjashtë javë, me shpresën e ngadalësimit të rritjes së tumorit.
Prindërve të Roxli-t i duhej të luteshin për një mrekulli.
“Dhe mrekullia ndodhi”, tha nëna e saj e gëzuar.
Mjekët pohojnë se nuk mund të gjejnë asnjë gjurmë të tumorit kërcënues për jetën e Roxlit në MRI.
“Është e pazakontë dhe jemi shumë të kënaqur”, tha mjekja Harrod.
Si një masë paraprake, Roxli do të vazhdojë t’u nënshtrohet trajtimeve të tilla si imunoterapia.
Disa tumore në trurin e fëmijëve nën moshën 18 muajsh mund të zhduken me ose pa ndonjë trajtim – falë receptorëve të qelizave të cilat bëjnë që qelizat e tumoreve të shkatërrojnë veten.
Burimi: The Sun
