Vetëm pak ditë më parë në faqen e Ministrisë së Kulturës u publikua njoftimi ku shpallej konkursi për drejtor të Qendrës Kombëtare të Kulturës për Fëmijë. Më parë këtë post të rëndësishëm e ka mbajtur Monika Lubonja.
Kjo lëvizje e drejtoreshës së Qendrës Kombëtare të Kulturës për Fëmijë dhe Teatrit të Kukullave u bë menjëherë pasi në media u publikuan disa raste të shitjes së repertorit të shfaqjes së Teatrit te Kukullave për aktivitete private.
Mirëpo sipas “NewsBomb”, në vend të Monikës tashmë është emëruar aktori i humorit Erion Isai.
Të gjithë e njohim si ish-aktori i Portokallisë, i cili na ka bërë të gjithëve për të qeshur me batutat e tij. Ai është gjithashtu i njohur edhe si regjisor me disa projekte në teatër.
Duke njohur natyrën e Erionit shpresojmë se ai do t’i japi një frymë tjetër Teatrit të Kukllave.
