Ai është një ndër aktorët më të dashur të spektaklit të humorit “Apartamenti 2XL”. Bëhet fjalë për Visjan Ukcenaj i cili ka ndarë me fansat e tij në Instagram lajmin e bukur se së shpejti do të bëhet baba.
Në një foto ku shfaqet së bashku me partneren e tij, të cilës i duket mjaftueshëm barku i rrumbullakosur,Visjani ka lënë edhe një dedikim shumë emocionues.
“Vepra më e mrekullueshme e jetëve tona ky engjëll që po vjen si diell për të ndritur në përjetësi historinë tonë të dashurisë. Faleminderit o Zot për këtë Bekim”- shkruan aktori i njohur në përshkrimin e fotos.
Me duart në barkun e rrumbullakosur, çifti shfaqet mjaft i emocionuar dhe i lumtur që së shpejti do të bëhen prindër.
