Po! Siç e lexuat në titull! Aktori i mirënjohur Johnny Depp luan akoma me kukulla, megjithëse vajza e tij është tashmë e rritur.
Fillimisht, ai luante me të bijën kur ishte e vogël dhe asokohe vuri re se loja e ndihmonte me rolet e tij nëpër filma, pasi ushtrohej në mënyrën më të mirë të mundshme.
“Unë dhe vajza ime kemi luajtur shumë me kukulla. Unë provoja personazhe duke luajtur me kukulla. Një ditë vajza thjesht më tha ‘Babi, bëhu një kukull normale, ndalo me ata zëra të ndryshëm’, tregoi ai.
Vajza e tij ndaloi së luajturi me kukulla, por aktori jo!
Depp ka pranuar se në shtëpi fsheh një koleksion me kukulla, të cilat e ndihmojnë të jetë një aktor më i mirë.
“Kam shumë kukulla në koleksion”- pranoi ai, duke i habitur të gjithë.
Epo, kur ia do puna…
Në janar të këtij viti, Depp u bë pjesë e telasheve pasi një hajdut hyri me forcë në shtëpinë e tij. Në fakt hajdut ka qenë një grua, e cila është arrestuar menjëherë nga policia.
Burime pranë policisë kanë bërë të ditur për “TMZ” se një grua, me shumë mundësi e pastrehë, ka hyrë brenda shtëpisë së Depp në Hollywood Hill në fundjavë. Mirëpo “aventura” e saj brenda shtëpisë së aktorit nuk ka zgjatur shumë për shkak të sistemit të sigurisë në shtëpi që ka vënë në lëvizje menjëherë edhe policinë.
