Modelja shqiptare Adrola Dushi ka rrëfyer në një intervistë për emisionin “Pasditja Ime”, se i është dashur të bëjë shumë sakrifica në jetën e saj, për të arritur aty ku është sot.
Nëna e Troit, pranon se është shumë e vështirë të jetojë e vetme në New York, ama atje ndihet dikushi. Madje, modelja tregon se i është dashur të punojë vetëm katër muaj (qershor, shtator, dhjetor, shkurt) për të siguruar të ardhurat për të gjithë vitin. Të ardhurat që ajo merr jashtë vendit, duket se arrijnë t’ia plotësojnë jetën e ëndrrave, siç shpjegon edhe ajo. Por, modelja ende nuk e ka vendosur se cila do të jetë “shtëpia” e saj, pasi gjithçka varet nga Troi.
“Nuk kam marr një vendim për të ardhmen time dhe të Troit, do marr një vendim në momentin që Troi do të hyjë në shkollë, për të qëndruar në Amerikë ose në Shqipëri për shkollën e tij. Troit unë i mungoj shumë dhe më këputet shpirti, më duket sikur po bëj jetën e ëndrrave, por si më ka ardhur mua jeta e kam të pamundur të jem çdo natë pranë tij, po unë e kam marrë këtë vendim nuk kthehem dot mbrapa është e pamundur”, – është shprehur Adrola Dushi.
Nga ana tjetër, modelja shqiptare theksoi se e “urren” profesionin e saj, sepse duke krahasuar me atë çfarë ndodh në botë, për të është ofendim që sot të quhesh modele ose ‘miss’.
