Pas suksesit me këngën “1 2 3” të publikuar në qershor, këngëtarja Besa Kokëdhima vjen me një tjetër projekt në tregun e muzikës këtë verë, por kësaj radhe solo.
Bëhet fjalë për një këngë të re të rrymës Reggae, të cilën Besa e ka gati dhe mësohet se po përgatitet për të bërë xhirimet e klipit të ri këtë javë.
Sa i përket subjektit të këngës së re mund të themi, se bëhet fjalë për një histori dashurie, megjithatë këngëtarja nuk ka zbuluar më tepër për të, duke i lënë fansat kuriozë.
Ajo ka postuar një foto në profilin e saj, që është shkëputur nga xhirimet. E veshur me pantallona xhins të shkurtra dhe me bel të lartë si dhe një bust të bardhë, këngëtarja duket tepër në formë.
Shpresojmë që kënga e re e Besës të kthehet në një hit veror, megjithëse e dimë se kur bëhet fjalë për Besën, një hit është i pritur. Mezi presim ta dëgjojmë..
