Dy ditë më parë këngëtarja Besa Kokëdhima zbuloi vendimin që kishte marrë për pjesëmarrjen e saj në festivalin “Kënga Magjike” që do të mbahet më, 4,5,7 dhjetor.
Këngëtarja e cila konkurron me këngën “Histori” tregoi se do të heqë dorë nga gara pasi nuk ndihet e gatshme të këndojë në këto ditë zie pas vdekjes së 51 njerëzve nga tërmeti.
https://www.instagram.com/p/B5c_8t4hoAX/?utm_source=ig_embed
Ndonëse Ardit Gjebrea iu lut të vazhdojë garën për të kontribuar me fitimet që do të mblidhen për njerëzit në nevojë, duket se Besa nuk do të kthejë pas vendimin e saj.
Për fatin e saj në këtë festival ka folur edhe këngëtarja Eneda Tarifa, e cila ka marrë vendimin të këndojë, pa garuar me askënd.
Ajo ka publikuar një video ku shfaqet fillimisht moderatori i njohur, Alaudin Hamiti, i cili përlotet kur një zonjë me kancer dhuron 50 euro, gjithashtu momenti kur një i moshuar dhuron 10 euro nga pensioni i tij. Por në video shfaqen edhe momente kur gazetarët dhe moderatorët përloten gjatë momenteve live.
Bashkëngjitur videos, Tarifa shkruan: Po, jemi bashkë, në të mirë e në të keq. Bashkë njësoj… Edhe në fatkeqësi të pabesa natyrore. Sepse ne jemi 1. Do të bëj në Kënga Magjike atë që di te bëj më mirë, (jam apo jo dakord me zhvillimin e ketij eventi në këtë moment), DO ZGJAS DORËN drejt të gjithë atyre që kanë nevojë. I gjithë stafi dhe Ardit Gjebrea “DO TË KËNDOJË PËR TË NDËRTUAR”. Të afërmit e mi do të jenë atje duke kontribuar për ta, me blerjen e biletës. 4, 5, 7 Dhjetor në Pallat të Kongreseve. Do të ndërtojmë shtëpinë e familjes Caci në Thumanë, që sot është e pabanueshme dhe duhet hedhur në tokë. Do këndojmë dhe jo më për garë, por për art dhe kontribut! Flm të gjithë atyre që zgjasin dorën”.
https://www.instagram.com/p/B5dzPtEFPz1/
