Këngëtarja Besa Kokëdhima, e cila aktualisht është trajnere në “The Voice of Albania” ka treguar se çfarë ndodh në të vërtetë pas kamerave, gjatë kohës së xhirimeve për spektaklin.
Ndryshe nga këngëtare të tjera që i fshehin këto gjëra, ajo ka treguar një incident të vogël që i ka ndodhur gjatë momentit kur po realizonin një spot për “The Voice”. Terreni i vështirë me gurë ka bërë që Besa, e cila ishte veshur me taka të larta, të pengohej.
Në videon e publikuar nga këngëtarja në “Instagram”, shfaqen të katërt trajnerët duke ecur drejt kamerës, ndërkohë që filmon. Por një moment Besës i hyn taka në gur dhe pengohet. Aty fillon të qeshë bashkë me kolegët e saj, të cilëve u duhej t’ia nisnin nga e para.
