Aktori i njohur i humorit Bes Kallaku së bashku me bashkëshorten e tij, këngëtaren Xhensila Myrtezaj kanë vendosur që imazhin e vogëlushes së tyre mos ta bëjnë publik.
Ditën e sotme Besi ka qenë i ftuar në emisionin “Thumb” prej ku për herë të parë ka treguar se për të dyja femrat e jetës së tij ka bërë tatuazhe.
Sapo Ajka ka ardhur në jetë dhe aktori është bërë baba për herë të parë, ai ka bërë një tatuazh mjaft domethënës për të bijën: “O lule e bukur e gjakut tim.”
Në vijim ka rrëfyer se kjo është një shprehje arbëreshe dhe të tregohemi realistë është shumë thënie e goditur.
Ndërsa në njërin krah ai ka frekuencat e zërit të Xhensilës kur ajo i thotë: “Të dua!”
Besi ka edhe tatuazhe të tjera të gdhendura në trup, mirëpo preferoi të fliste vetëm për dy prej tyre. /revistaclass
