Pas tragjedisë tronditëse që ka goditur Greqinë, ku më shumë se 80 persona dyshohet të kenë humbur jetën pas zjarrit masiv që ka pushtuar periferinë e Athinës, personazhe të shumtë të showbiz-it shqiptar kanë shprehur keqardhjen nëpërmjet postimeve në rrjetet sociale.
Një prej tyre ka qenë dhe aktori i humorit, Besart Kallaku, i cili në një postim prekës në Instagram u ka kërkuar ndjekësve të tij që të gjithë së bashku të luten për personat e përfshirë në tragjedi. Mirëpo, një prej komentuesëve i shkruan: “Nuk besoj që ata do ishin lutur për ne, 100 % ta garantoj. Gjithësesi më vjen keq për ta!”
Por Kallaku duket se nuk ka dashur të heshtë përballë këtij komenti që risjell në vëmendje konfliktet mes dy popujve tanë ndër vite.
“Po pse ne nuk duhet të tregojmë se kush jemi, ka të mirë ndër të këqinj, e ka të këqinj ndër të mirë!”-ka shkruar aktori i njohur i humorit.
