Cardi B organizoi një festë të madhe me rastin e Ditës së Falenderimeve, por kjo gjë nuk u prit mirë nga fansat e saj që i janë kthyer kundër. Këngëtarja tregoi se kishte mbledhur për festën 12 fëmijë dhe 25 të rritur, duke shkuar kështu kundër rregullave anti-Covid. Menjëherë pasi zbuloi këtë gjë ndjekësit në rrjete sociale nisën deklaratat kundër saj, duke u shprehur se reperja mund të ndikojë kështu në shtimin e rasteve me Covid-19.
Për këtë arsye, Cardi B u detyrua të kërkonte falje publikisht dhe sqaroi arsyen përse organizoi festë aq të madhe.
“Më falni, nuk po përpiqesha ta bëja dikë të ndihej keq. Kisha familjen time për herë të parë në shtëpi dhe kjo më bëri të ndihesha shumë mirë. Kam shpenzuar shumë para që t’i bëja testet të gjithëve dhe ja vlejti. Nuk po përpiqesha të ofendoja askënd”, ju është përgjigjur Cardi kritikave.
Sorry my bad wasn’t trying to make nobody feel bad.I just had my family in my home for the first time and it felt so good & uplifted me .I spent soo much money getting every1 tested but it felt worth it.I wasnt trying to offend no1. https://t.co/gjGo1JAvnY
— Cardi B (@iamcardib) November 29, 2020
Gjithashtu reperja ka treguar se ajo vetë dhe gjithë njerëzit që punojnë me të testohen rregullisht, 4 herë në javë. Cardi B nuk ka qenë ndër të vetmit personazhe të njohur që është kritikuar ashpër për të tilla organizime në kohë pandemie.
Së fundmi fansat ju kthyen kundër edhe Rita Orës, për shkak se ajo organizoi një festë me 30 miq për ditëlindjen e saj. këngëtarja kërkoi falje publikisht për këtë gjë, duke u shprehur se bëri një gabim të pafalshëm dhe serioz. Më pas policia i vendosi Ritës një gjobë të majme prej 10 mijë paund. (Kliko)
