Aktorja Whoopi Goldberg është bërë sërish pjesë e problemeve me deklaratën e saj të rradhës. Së fundmi, ajo është pezulluar nga nga shfaqja e saj televizive, për shkak të komenteve të saj mbi holokaustin.
Vendimi ka ardhur nga drejtuesit e “ABC” për shkak se 66-vjeçarja ka bërë komente fyese duke u shprehur gjatë transmetimit se Holokausti përfshinte “dy grupe njerëzish të bardhë”. Aktorja, njëkohësisht edhe personazh televiziv tha se gjenocidi nazist i hebrenjve “nuk ishte për racë”.
Më herët të martën, Goldberg kërkoi faljen e saj të tretë publike.
“Dje në emision kam folur gabim. Holokausti me të vërtetë ka të bëjë me racën, sepse Hitleri dhe nazistët i konsideronin hebrenjtë si një racë inferiore. Tani, fjalët kanë rëndësi, dhe të miat nuk bëjnë përjashtim. Më vjen keq për komentet e mia.”
Aktorja 66-vjeçare fituese e Oskarit, e cila ka qenë në “The Vieë” që nga viti 2007, së pari i bëri komentet e diskutueshme në emisionin e së hënës, ndërsa diskutonte për vendimin e një bordi shkolle në Tenesi, për ndalimin e një romani grafik për Holokaustin.
Nuk është hera e parë që Goldberg shkakton polemika. Ajo tha në vitin 2009 se regjisori i filmit Roman Polanksi – i cili u deklarua fajtor për “marrëdhënie intime të paligjshme me një të mitur” në 1977 – nuk ishte fajtor për “përdhunim “.
