Prej më shumë se 24 orësh, emri i Megi Pojanit lakohet në media dhe në rrjetet sociale për shkak të videos së shëmtuar të saj në varreza. Sipas saj, video ka 3 vite që është filmuar, por buja u bë sot, më saktë dje gjatë gjithë ditës.
E teksa në rrjet komentet janë nga më të ndryshmet, Megi ka vendosur ta mbyllë si çështje. Një ditë pasi kërkoi falje, ajo ka vendosur të vazhdojë jetën normalisht, duke mos u ndikuar aspak nga komentet dhe nga largimi i ndjekësve në Instagram.
Pasi dha intervistën në mëngjes në ‘Wake up’, ku kërkoi sërish ndjesë dhe sqaroi se sjellja e saj është normale në familjen e tyre, tashmë Megi ka gjetur kohë për vete.
Ajo ndodhet në një qendër trajtimi për trupin e një selfie e ka ndarë për publikun, që kaq shumë po e gjykon. Duke vendosur një peshqir në fytyrë, ajo tregon se me këtë veprim po i ‘vë kapakun’ historisë.
Po a do harrohet kjo ngjarje? Me siguri jo po siç thonë jeta vazhdon, e këtë gjë po e bën edhe Megi.
Po si qëndron historia e videos në varreza?
Ishte Marsela (motra e Megit) ajo e cila postoi videon në InstaStory, ku shfaqej Megi duke pastruar varrin, qeshur, kërcyer dhe duke u tallur para familjarit të tyre të ndjerë. Videoja në fjalë tashmë është bërë virale dhe ka marrë komente nga më të ndryshmet, kryesisht negative. Reagimet kanë që nga më të shumta, që nga persona të thjeshtë e deri tek ata publik.
