Që Kidës i pëlqen të bëjë ndryshime drastike në look, këtë e mësuam vitin që lamë pas.
Pak kohë më parë ajo na habiti të gjithëve, kur u shfaq me flokë bjond platin, siç nuk e kishim parë ndonjëherë. Me këtë look e pamë për rreth 3 muaj dhe u dashuruam të gjithë.
Nëse ju kujtohet në fillim të shtatorit, Kida i bëri flokët me një nuancë të lehtë rozë, por që si duket ishte e përkohshme sepse u rikthye sërish te bjondia.
Mirëpo, këngëtares i kanë pëlqyer shumë flokët rozë dhe i ka bërë totalisht pink një muaj më pas.
Ndërkohë pas realizimit të klipit “Drunk” ajo erdhi me një look krejt të veçantë. Prej javësh u duk se ajo e shijoi shumë pamjen me flokët në ngjyrë banane të prera deri tek veshi.
E më në fund sot është rikthyer sërish te bjondia. Këngëtarja ka publikuar disa foto në Instagram ku shihet se i ka thënë “bye bye” flokëve të verdhë dhe i është bashkuar grupit të gocave bjonde.
“E gjitha e bardhë si shpirtin!”-ka shkruar ajo krah fotove.
Më datë 15 dhjetor 2020, Kida publikon këngën e fundit “Drunk”, që është super pëlqyer nga fansat dhe numëron mbi 10 milionë klikime.
