Bashkia e Shkodrës do të drejtohet nga socialistët, pasi kandidati i tyre Benet Beci mposhti në këtë garë kandidatin e koalicionit “Bashkë Fitojmë”, Bardh Spahia.
Për shumë, mbështetja publike që i dha Luiz Ejlli, i cili i ktheu borxhin Becit, pasi e ndihmoi në momentet kur kishte më shumë nevojë se kurrë, ishte një faktor shumë i madh që Beci fitoi.
Por mesa duket edhe Beci do ta shpërblejë Luizin për ndihmën që i dha. Gazeta “Sot” raporton se ai e ka projektuar Luizin si bashkëpuntor në katër vitet e ardhshme. Madje flitet se Luizit do i propozohet pozicioni i nënkryetarit të Bashkisë.
Kjo mbetet për t’u parë ditët në vijim nëse do të jetë ky momenti i përfshirjes së Luiz Ejllit në politikë, duke u bërë numri dy i Bashkisë së Shkodrës, apo do ta shohim të angazhuar diku tjetër.
