Ditën e djeshme lajmi që çifti i njohur i showbiz-it shqiptar Xhensila Myrtezaj e Besart Kallaku, vizituan një familje në nevojë në zonën e Kasharit, bëri bujë në të gjitha mediat.
Kjo për vetë fotot ku këngëtarja shfaqej e pikëlluar dhe me lot në sy. Këngëtarja dhe aktori i humorit u dorëzuan ndihma e dhurata anëtarëve të familjes me 3 fëmijë të vegjël, ku kryefamiljari ishte diagnostikuar me kancer.
Në faqen e saj në rrjetet sociale, “Fundjavë Ndryshe” publikoi fotografi të vizitës së çiftit, por duket se jo të gjithë e kanë vlerësuar gjestin e tyre. Disa prej komentuesve shpreheshin se Xhensila dhe Besi e bëjnë një gjë të tillë vetëm për t’u dukur.
Sigurisht këto komente e kanë irrituar së tepërmi këngëtaren, ku si pasojë ajo ka bërë një reagim në “Instagram”, duke u kthyer përgjigje atyre që e quajtën të shtirur.
“Një falënderim doja për te gjithë grupin e @fundjavendryshe, të përkushtuar në misionin e tyre. Për te gjithë moralistët qe rrinë pas cel apo pc që edhe te lulja nuk shohin bukurinë por gjembat, prej tyre ne si çift nuk kemi publikuar rastet tona, pasi vërtet bamirësia është për sytë e Zotit, por nëse nuk solidarizohesh edhe ti, nëse zemra jote nuk sheh pikëllim ne sytë e familjeve të tilla, te paktën mos shkruani qe e bëjnë per tu dukur këta. Do të doja shumë që edhe ju te bënit diçka. Sa do e vogël te jetë”, shkruan Xhensila.
