Prej disa javësh, në media është përfolur gjatë për një histori të mundshme dashurie mes këngëtarit Alban Ramosaj dhe modeles Niki Delijorgji.
Dyshja duket se ‘përfitoi’ nga kjo situatë dhe para pak ditësh në rrjetet e tyre sociale treguan se do të bëhen prindër për herë të parë.
Në një foto që publikuan, modelja shfaqej me barkun e rrumbullakosur dhe shprehej se Albani ishte babai i fëmijës.
Por, pak orë pasi lajmi ‘mori dhenë” Albani tregoi se shtatzënia nuk është e vërtetë dhe skena është krijuar pasi ata po punojnë për një projekt të përbashkët.
Megjithatë, Niki vazhdon të publikojë në Instagram foto ku duket barku i rrumbullakosur.
Kjo gjë duket se nuk i ka pëlqyer një ndjekësi të saj, i cili nuk i ka kursyer dy fjalë.
“Të gënjesh më Insta për pak vëmendje. E tmerrshme! Sa gjest i shëmtuar të shtiresh sikur je shtatzënë”, i shkruan një komentues.
Pas këtyre fjalëve, Niki i ka treguar ndjekësit se e gjitha është për punë dhe një modele duhet t’i pranojë të gjitha.
“Vajzë e dashur, unë punoj si modele dhe ndonjëherë si modele shtatzënë”, i përgjigjet Niki.
Ndërkohë pas këtyre fotove u bëmë edhe më shumë kuriozë të shohim se për çfarë projekti bëhet fjalë!
