Mbrëmjen e sotme emisioni “Stop” në Tv Klan denoncoi një rast dhune në një shkollë në Berat.
Në redaksinë e emisionit ka mbërritur një video, ku denoncohet drejtori i Shkollës së Mesme të Bashkuar në Mbrakull të Beratit, që ushtron dhunë ndaj nxënësve.
Sikurse duket në pamje, drejtori godet me shpulla nxënësit që ndodhen në oborrin e shkollës, të cilëve u kërkon që të futen në mësim.
Ky veprim i drejtorit të shkollës është i dënueshëm dhe nuk është hera e parë që ndodh në shkollat shqiptare.
Publikimi i kësaj videoje nga “TV Klan” ka për qëllim denoncimin e dhunës ndaj nxënësve nëpër shkolla, si një akt i papranueshëm që duhet të dënohet. /TV Klan
