Katër muaj pas ndarjes nga Jennifer Lopez, Ben Affleck ka komentuar për herë të parë mbi preferencat e tij, në një intervistë me TMZ. I pyetur nëse ende i pëlqejnë gratë latine, ai u përgjigj pa hezitim: “Po, sigurisht.”
Kur u pyet në spanjisht se si ndihej si “beqari më i dëshiruar i Hollywood-it”, Affleck u mjaftua me: “Muy bien.”
Ndarja mes tij dhe J.Lo u finalizua në janar, por u bë publike në shkurt. Dyshja shmangën një betejë gjyqësore, ndonëse pati mosmarrëveshje rreth shitjes së vilës së përbashkët.
Ndërkohë, Jennifer Lopez ka treguar se këtë periudhë e ka përballuar me forcë, për hir të fëmijëve të saj.
