Që Jennifer Lopez dhe Ben Affleck janë bashkë për këtë nuk ka më asnjë pikë dyshimi. Së fundmi Ben është fotografuar në makinën e tij, pak pasi kishte dalë nga shtëpia e Jennifer Lopez në mëngjës. Fytyra e aktorit i tregon të gjitha, sepse në pamje të parë ai duket shumë i lumtur e madje i relaksuar.
Në fillim ai nuk dukej shumë i lumtur, por ndryshoi humorin menjëherë dhe i dhuroi një buzëqeshje të lehtë fotografëve që prisnin jashtë shtëpisë së J.Lo.
Para pak ditësh Ben Affleck u fotografua duke u përqafuar me Jennifer Lopez, teksa të dy dolën bashkë për një darkë romantike. Çifti u panë duke mbështjellë krahët rreth njëri-tjetrit dhe ecur bashkë drejt restorantit. Madje në disa foto Jennifer shihej duke mbështeteur kokën tek shpatullat e partnerit të ri. Të dy ata mbërritën bashkë në restorant me makinën e Affleck, ndërkohë që në sediljen mbrapa dukej se ishte ulur dhe një person i tretë.
“Ben i mbante duart rreth Jennifer gjatë darkës dhe nuk kishte fare turp që po shfaqeshin aq të afërt me njëri-tjetrin. Ai dukej shumë mirë dhe shumë i lumtur. Edhe ajo gjithashtu dukej e lumur. Ben ja kaloi shumë mirë me miqtë e saj dhe dukej shumë komod duke folur me ta. Të gjithë ata kanë qeshur shumë dhe kaluan bukur”, ka thënë një person që ishte dëshmitar.
