Ndarja e Ben Affleck dhe Jennifer Garner është shumë larg ndarjeve të hidhura, pasi në një intervistë të dhënë së fundmi aktori hollivudian ka thënë fjalët më të bukura për ish-bashkëshorten e tij.
Në një intervistë të dhënë së fundmi për “New York Times”, ai ka treguar se divorci me ish-bashkëshorten ka qenë gjëja për të cilën është penduar më shumë në jetë.
“Gjëja për të cilën jam penduar më shumë në jetë është divorci. Pas problemeve ishte e vështirë ta pranoja”, tregoi ai.
Ai pranoi së ka qenë shkaktar për divorcin, por në atë kohë, alkooli nuk e lejonte të reflektonte.
“Pija normalisht për një kohë të caktuar. Më vonë ndodhi që të pija pa pushim dhe kjo bëri që martesa ime të mos funksiononte. Ishte viti 2015, 2016. Nuk është e shëndetshme që të fiksohem pas dështimeve të mia, por sigurisht kam bërë gabime. Kam bërë gjëra për të cilat pendohem. Gjithsesi, duhet të ngrihesh, të mësosh prej tyre dhe të përpiqesh sërish”, shprehet aktori.
Në intervistat e mëparshme, Ben ka treguar se Jennifer është një nënë e mrekullueshme dhe për fëmijët e tij nuk mund të kishte një më të mirë.
Pas një sërë polemikash, dyshja i dha fund martesës në vitin 2018.
