Ata bën publik faktin se po planifikonin divorcin e tyre në 2015 pas 10 vitesh martesë, nga e cila sollën në jetë 3 fëmijë.
Ndarja e Ben Affleck dhe Jennifer Garner është shumë larg ndarjeve të hidhura, pasi në një intervistë të dhënë së fundmi aktori hollivudian ka thënë fjalët më të bukura për ish-bashkëshorten e tij.
“Ajo është nëna më e mrekullueshme në botë”, ka thënë ai për gazetarin e “New York Times”, Chip McGrath.
Ai shtoi gjithashtu se fëmijët e tij, Samuel, 4 vjeç, Violet, 11 vjeç dhe Seraphina, 7 vjeç janë arritja e tij më e madhe në jetë. “Në karrierën tim është lindja e fëmijëve të mi. Ardhja e fëmijëve të mi në këtë botë. Është lumturi të qëndrosh me to, mendoj se kuptimi i jetës është që t’i bësh mirë njerëzve”, vijon Affleck.
“Ajo është një mama superhero. Është një nënë e mrekullueshme dhe jam me fat që e kam atë si një partnere që kujdesemi për fëmijët tanë”, ka thënë aktori në një tjetër intervistë në muajin mars.
Burimi: Daily Mail
