Çfarë mund të bëjë një çift për të shpëtuar martesën? Duket se Ben Affleck dhe Jennifer Garner i kanë dhënë një përgjigje, ndërsa thuhet se presin ardhjen në jetë të një tjetër fëmije për të shpëtuar martesën e tyre. Sipas një burimi të “National Enquirer”, raportohet se dy aktorët kanë vendosur të heqin dorë nga divorci pasi janë në pritje të fëmijës së katërt.
Një burim ka thënë se Garner është shumë e emocionuar rreth shtatzënisë dhe ribashkimit me Affleck. “Jen nuk mund të ishte më e lumtur. Ajo që ka dashur më shumë në jetë është që Ben t’i jepte fund argëtimeve të tepërta, në mënyrë që të qëndronte sa më pranë familjes dhe duket se ia ka arritur qëllimit”.
Affleck dhe Garner kanë një marrëdhënie të mirë duke u kujdesur për fëmijët e tyre pavarësisht ndarjes vitin e kaluar. Ndërkohë që fansat dëshirojnë rikthimin e çiftit, “Gossip Cop” konfirmon se asnjë nga thashethemet që qarkullojnë nuk janë të vërteta dhe se çifti nuk është në pritje të një fëmije tjetër.
Burimi: Gossip Cop
