Bella Hadid doli në tapetin e kuq të “Met Gala 2022” me një pamje të veçantë nga “Burberry”, por komentet e saj të fundit rreth stilit me korse i bënë disa njerëz të mendojnë se ajo kishte probleme me veshjen e saj.
“Për pak më ra të fikët ”, tha supermodelja duke shtuar, “Nuk e di nëse ky ishte ankthi im, apo ndoshta korseja dhe nuk mund të merrja frymë”.
Ndërsa disa fansa dhe media të ndryshme keqinterpretuan se faji ishte trupi i Hadid-it me korse, ylli i pasarelave shkoi në Instagram Story për t’u dhënë fund aludimeve.
Duke postuar një foto të një lajmi të tillë fyes, ajo tha se donte të bënte diçka shumë të qartë.
“Kjo nuk është aspak ajo që desha të them. Nuk thashë se u ndjeva keq për shkak të korsesë sime. Bëra shaka se do më binte të fikët, jo për shkak të korsesë, por nga ankthi dhe emocionet e tapetit të kuq.”
Ajo shtoi, “Doja të thoja më shumë sikur kalonte menjëherë. Aq shpejt sa mezi e mbani mend!”
Hadid mbrojti gjithashtu pamjen e saj të guximshme “Burberry”, duke thënë: “Korset në përgjithësi janë mjaft të pakëndshme dhe të forta për mushkëritë, por korseja ime përshtatej në mënyrë të përkryer me hapësirë të mjaftueshme për të ngrënë dhe pirë”.
