Bella Hadid po kalon një sezon me arritje, pasi ishte pjesë e shumë pasarelave gjatë Javës së Modës në Nju-Jork. Por pavarësisht arritjeve, ajo nuk e lë suksesit që të ndikojë në sjelljen e saj.
Modelja u bë shumë emocionale, kur sfiloi së fundmi për dy dizajnues këtë sezon.
Sfilata e parë ishte për Prabal Gurung të dielën. Prezantimi ishte emocionues që në fillim, pasi përfshinte veshje kushtuar femrave. Modelet u shfaqën me bluzë me slogane të fuqishme politike, si “E ardhja është femër” apo “Unë jam emigrant”.
“Dola dhe eca dhe përpara finales, kur Prabal ishte gati për t’u shfaqur, e pash atë të përlotur dhe unë thjesht nisa të qaja, sepse ishte një shfaqje kaq e bukur. Të gjithë në audiencë ishin duke qarë gjatë finales, ishte shumë e fuqishme dhe unë jam shumë krenare për të. Ishte e pabesueshme”, tha Hadid për “Fashionista”.
“Faleminderit P për këtë koleksion të bukur dhe një shfaqje kaq të fuqishme”, shkroi modelja në “Instagram”.
Ditën tjetër, Hadid bëri një tjetër paraqitje mahnitëse kur mbylli shfaqjen e “Oscar de la Renta”. Modelja zbuloi se ishte bërë sentimentale edhe për këtë paraqitje.
“Qava gjithashtu! Nuk e di nëse është thjesht një javë emocionuese, por shfaqja ishte diçka shumë e rëndësishme për mua. Është një markë kaq ikonë dhe unë gjithmonë kam kërkuar dizajnues. Qava kur mora shfaqjen dhe më pas kur dëgjova që do ta mbyllja, më ikën fjalët. Fustani ishte shumë i bukur; kur e provova për herë të parë, ishte kaq i pabesueshëm”, tha ajo.
Burimi: Harper’s Bazaar
